Бишкек, 07.03.25. /Кабар/. Бүгүн, 7-мартта Ош шаарынын мэриясы тарабынан С.Ибраимов атындагы улуттук драма театрында 8-март-Аялдардын эл аралык күнүнө карата уюштурулган майрамдык иш-чара болуп өттү.
Мэриядан билдиришкендей, салтанатка Ош шаарынын мэри Жеңишбек Токторбаев жетектеген мэриянын өкүлдөрү, шаардагы баатыр энелер, эмгектин жана согуштун ардагерлери, ар кайсы тармакта эмгектенип жаткан айымдар жана коомдук ишкерлер катышты.
Калааа башчысы аялзат - үй-бүлөнүн, жалпы адамзатынын куту, өмүрдүн булагы экендигин белгилеп, бардык айымдарды жаз майрамы менен куттуктады.
"Иш-чарада Ош шаарынын мэриясынын алдында түзүлгөн эл аспаптар оркестринин концерти тартууланып, жалпы 700дөн ашуун айымдарга майрамдык белектер тапшырылды",-деп айтылат маалыматта.
