Бишкек, 29.10.26. /Кабар/. Инвестициялар боюнча улуттук агенттиктин башчысы Равшанбек Сабиров бүгүн Кытайдын Ganfeng Lithium Group Co., Ltd. компаниясынын өкүлдөрү менен жолукту.
Агенттиктин маалыматына ылайык, тараптар Кыргызстанга инвестиция тартуу, өнөр жай өндүрүшүн өнүктүрүү жана жаңы долбоорлорду ишке ашыруу мүмкүнчүлүктөрүн талкуулашты.
Ошондой эле минералдык чийки затты казып алуу жана кайра иштетүү, заманбап технологияларды киргизүү багыттарындагы кызматташтык маселелери каралды.
Жолугушуунун жыйынтыгында тараптар диалогду улантууга жана инвестициялык кызматташтыктын келечектүү багыттарын изилдөөгө макул болушту.
