Бишкек, 24.07.26 /Кабар/. Жалпы билим берүү мекемелерине 4500 нускада басылып чыккан "Балдар үчүн JavaScript" китеби акысыз таратылат.
Агартуу министрлигинин маалыматына ылайык, окуу куралын министрлик англис тилинен кыргызчага которуп, "Таалим-Форум" коомдук фонду басып чыгарган.
Белгиленгендей, ал буга чейин дагы 3 500 нускада басылып чыгып, китепканаларга таратылган. Бул анын экинчи ирет чыгарылышы саналат. Басып чыгарууну АКШнын Кыргызстандагы элчилиги колдоого алган.
"Китеп жөнөкөй жана кызыктуу тилде JavaScript программалоо тилинин негиздерин түшүндүрүп, балдардын логикалык ой жүгүртүүсүн, чыгармачылык жөндөмдөрүн жана маалыматтык технологияларга болгон кызыгуусун арттырууга көмөктөшөт", - деп айтылат маалыматта.
