Бишкек, 01.07.26. /Кабар/. Бүгүн Бишкек шаарындагы "Ала-Тоо" кинотеатрында "Дарыгер" сериалынын расмий бет ачар аземи болуп өттү.
Иш-чарага маданият, маалымат жана жаштар саясаты министри Мирбек Мамбеталиев жана саламаттык сактоо министри Дамир Осмонов катышты.
Маданият министрлигинен билдиришкендей, Мамбеталиев өз сөзүндө сериалдын коомдук маанисине токтолуп, ак халатчандардын талыкпас эмгегин чагылдырган долбоорлордун маанилүүлүгүн белгиледи.
Ал ошондой эле мамлекет башчысы Садыр Жапаровдун жана министрлер кабинетинин колдоосу менен ата мекендик кино тармагына өзгөчө көңүл бурулуп жатканын кошумчалады.
"Дарыгер" сериалы Маданият министрлигине караштуу Кинематография департаментинин эксперттик кеңешинин чечими менен колдоого алынган. Долбоорду тартууга мамлекет тарабынан 35 млн сом бөлүнүп, жыйынтыгында 10 сериялуу көркөм сериал жарык көрдү", - деди ал.
