Бишкек, 08.10.26 /Кабар/. Экономика жана коммерция министрлигинде Оман Султанатынын Соода, өнөр жай жана инвестицияларды илгерилетүү министрлигинин жана Oman Investment Authority уюмунун өкүлдөрү менен жолугушуу өттү.
Министрликтен билдиришкендей, жолугушуунун жүрүшүндө тараптар соода-экономикалык жана инвестициялык кызматташтыкты кеңейтүүнүн келечегин, кыргыз продукциясын Оман рыногуна чыгарууну, халал-индустрия тармагындагы кызматташтыкты өнүктүрүүнү, ошондой эле биргелешкен инвестициялык долбоорлорду ишке ашырууну талкуулашты.
