Бишкек, 27.10.26. /Кабар/. Нарын облусунун Кочкор районунда жалпы аянты 4,8 гектарды түзгөн эс алуу багы реконструкцияланууда.
Курулуш министрлигинен билдиришкендей, жаңылоо иштери 2025-жылдын октябрь айында башталып, Турукташтыруу фондунан каржыланууда.
Долбоорго ылайык, паркта массалык иш-чараларды өткөрүүчү аянтча, амфитеатр, шахмат, скейт жана балдар ойноочу аянтчалар, воркаут зонасы, мини-футбол талаасы, лабиринт жана сейилдөө аллеялары каралган.
Ошондой эле коомдук даараткана, жарыктандыруу системасы жана унаа токтотуучу жай уюштурулуп, аймак көрктөндүрүлөт.
"Бүгүнкү күндө тротуарларга брусчатка төшөө, темир-бетон лотокторду, жарыктандыруу мамыларын жана металл тосмолорду орнотуу иштери жүргүзүлүүдө",-деп айтылат маалыматта.
