Бишкек, 31.08.26. /Кабар/. VI Дүйнөлүк көчмөндөр оюндарынын расмий ачылыш аземинде "Бишкек Арена" стадионуна 30 миңге жакын көрүүчү келди. Бул тууралуу "Кабар" агенттигине оюндардын медиаштабынан билдиришти.
Ачылыш аземинде улуттук салт-санаа, маданият жана заманбап искусство айкалышкан масштабдуу майрамдык шоу тартууланат.
"Уюштуруучулардын маалыматына караганда, салтанат көчмөн элдердин мурасын сактоого жана дүйнөгө жайылтууга багытталган башкы эл аралык иш-чаранын расмий башталышы болот", - деп айтылат маалыматта.
