Бишкек, 16.03.25. /Кабар/. Боордош Кыргызстандын делегациясын Худжанд эл аралык аэропортунда кубануу менен тосуп алышты. Бул тууралуу аэропорттун басма сөз катчысы Усубжон Маюсупов билдирди.
Анын айтымында, Бишкек-Худжанд-Бишкек авиакаттамынын ачылышы өз убагында ачылды жана суроо-талапка ээ.
«Учурда бул каттамга суроо-талап жогору, анткени Худжанддын көптөгөн тургундары Бишкекке учууну пландап жатышат. Бул каттамдын ачылышы туура чечим жана келечекте каттамдардын саны акырындык менен көбөйөт деп ишенебиз», - деди ал.
Басма сөз катчы ошондой эле бул Тажикстан менен Кыргызстандын ортосундагы биринчи эл аралык каттам экенин, ал узак тыныгуудан кийин кайра жанданганын баса белгиледи.
«Акыркы 5-6 жылда Худжанд аэропортунда көп иштер жасалды. Бүгүнкү күндө бизде кандай гана учак болбосун, алардын учуу салмагына жана жүргүнчүлөрдүн санына карабастан кабыл алуу жана жөнөтүү үчүн бардык зарыл мүмкүнчүлүктөр бар. Биз кызматташууга ар дайым ачыкпыз”,-деди ал.
