Бишкек, 06.10.26 /Кабар/. Нурсултан Курманалы уулу Дене тарбия жана спорт мамлекеттик агенттигинин директорунун орун басары кызматына дайындалды.
Ведомстводон билдиришкендей, жаңы дайындалган директордун орун басарын эмгек жамаатына бүгүн, 6-октябрда Президенттин жана министрлер кабинетинин чечимдерин даярдоо боюнча башкармалыгынын тармактык саясат бөлүмүнүн башкы эксперти Эржигит Ибраимов тааныштырды.
Нурсултан Курманалы уулу 1994-жылдын 26-августунда Бишкек шаарында туулган.
Жогорку билимди Россия Федерациясынын Ички иштер министрлигинин Омск академиясынан алып, “Улуттук коопсуздукту укуктук камсыз кылуу” адистиги боюнча окуп бүтүргөн.
Эмгек жолу:
- 2013–2018-жылдары — Кыргыз Республикасынын ички иштер органдарында кызмат өтөгөн;
- 2019–2022-жылдары — Кыргыз Республикасынын өкмөтүнө караштуу Жаштар иштери, дене тарбия жана спорт боюнча мамлекеттик агенттигинин мамлекеттик-жеке өнөктөштүк жана инвестицияларды тартуу секторунда адис, жетектөөчү адис;
- 2022-жылдын февраль–апрель айлары — Кыргыз Республикасынын Маданият, маалымат, спорт жана жаштар саясаты министрлигине караштуу Дене тарбия жана спорт департаментинин коомчулук менен байланыш, эл аралык кызматташтык жана мамлекеттик мүлктү башкаруу бөлүмүнүн башкы адиси;
- 2022–2025-жылдары — аталган департаменттин укуктук, кадрдык иштер жана иш кагаздарын жүргүзүү бөлүмүнүн башчысы;
- 2025-жылдан бери — Дене тарбия жана спорт мамлекеттик агенттигинин Укуктук камсыздоо жана адам ресурстарын башкаруу башкармалыгынын жетекчиси болуп иштеп келген.
