Бишкек, 24.04.25. /Кабар/. Борбор калаада Чыңгыз Айтматов проспектисин көрктөндүрүү жана жашылдандыруу иштери уланууда. Бул иш-чаралардын алкагында кыйылган теректердин ордуна клендер отургузулууда.
Буга чейин Бишкек мэриясы теректер авариялык абалда болгондуктан кыйуу чечими кабыл алынганын билдирген. Алардын көбү 50 жылдан ашык убакыт мурда отургузулгандыктан, тамырлары чирип жөө жүргүнчүлөргө жана айдоочуларга коркунуч жаратарын билдирген.
Алардын ордуна клен көчөттөрүн отургузуу, ошондой эле жашыл аймактарды жана веложолдорду түзүү пландалууда.
Эске салсак, муниципалитет шаар тургундарынын арасында сурамжылоо жүргүзүп, эски бактарды алмаштыруу үчүн чынар терек менен кленди тандоону сунуштаган.
