Бишкек, 24.10.25 /Кабар/. Күн мурун Нью-Йорктогу Бириккен Улуттар Уюмунун (БУУ) штаб-квартирасында Кыргызстандын Туруктуу өкүлчүлүгү Ак илбирстин эл аралык күнүн салтанаттуу түрдө белгиледи.
ТИМден билдиришкендей, салтанаттуу иш-чара Кыргызстандын биологиялык ар түрдүүлүктү сактоодо, тоолордун маселелерин илгерилетүүдө жана уникалдуу бийик тоолуу экосистемаларды коргоодо көрсөткөн глобалдык лидерлигин көрсөтүү үчүн маанилүү аянтча болду.
БУУнун имаратында орнотулган тематикалык стенд Кыргызстандын бийик тоолуу жаратылышынын символуна көңүл бурдуруп, эл аралык коомчулуктун бул сейрек кездешүүчү жаныбарларды жана алардын жашоо чөйрөсүн коргоо үчүн күч-аракеттерди бириктирүү зарылдыгын белгиледи.
БУУдагы бул иш-чара Кыргыз Республикасынын табигый мурастарды сактоого, биологиялык жана тоолуу аймактарды туруктуу өнүктүрүүгө болгон берилгендигинин дагы бир далили болуп, актуалдуу көйгөйлөрдү жана кызматташуу мүмкүнчүлүктөрүн талкуулоого шарт түздү.
Иш-чарага чет өлкөлүк миссиялар, анын ичинде Ак илбирстин ареалы болгон өлкөлөр, БУУнун жана анын агенттиктеринин өкүлдөрү, достору жана коноктору активдүү катышты.
