Бишкек, 29.07.26. /Кабар/. Бишкек шаарында Жеке турак жай курулуш жана шаар куруу департаменти райондук администрациялар жана мамлекеттик органдар менен биргеликте жер мунапысына кирген материалдарды кароо ишин улантууда. Бул тууралуу мэриядан билдиришти.
Маалыматка ылайык, күн мурун, 28-июлда Октябрь райондук администрациясынын комиссиясынын жыйынында жалпы 81 материал каралды.
Жыйынтыгында 10 материал боюнча бекитүү жөнүндө чечим кабыл алынды, бир материал кайра кароого жөнөтүлдү. Калган материалдар боюнча комиссия белгиленген тартипке ылайык тиешелүү чечимдерди кабыл алды.
Мэриядан белгилешкендей, материалдарды кароо жер пайдалануу маселелерин жөнгө салуу жана колдонуудагы мыйзамдардын алкагында жер тилкелерине болгон укуктарды жол-жоболоштуруу максатында жүргүзүлүүдө.
