Бишкек, 29.09.26. /Кабар/. Бишкек шаарындагы №100 кесиптик лицейде шамал энергетикасы боюнча окутуу борбору ачылды. Бул тууралуу Агартуу министрлигинен билдиришти.
Анын ачылыш аземине министрдин орун басары Виктория Мозгачева жана Түрк кызматташтык жана координация агенттигинин (TİKA) президенти Абдуллах Эрен катышты.
Агенттиктин маалыматына караганда, Түркиянын колдоосу менен ачылган борбор заманбап жабдуулар жана лабораториялык стенддер менен камсыздалган. Бул жерде окуучулар шамал энергетикасы боюнча теориялык билимдерин практикада бекемдеп, кесиптик көндүмдөрүн өнүктүрүшөт.
Ошондой эле борбордо жумушсуз жарандар үчүн кыска мөөнөттүү окуулар уюштурулат.
Ачылган борбор жашыл энергетика тармагына адистерди даярдоого жана практикалык окутуунун мүмкүнчүлүктөрүн кеңейтүүгө багытталган.
