Бишкек 02.04.25 /Кабар/. 2-3-апрелде Бишкектеги Р.Санатбаев атындагы спорт комплексинде грек-рим күрөшү боюнча өспүрүмдөр (U-15) арасында Ауэз Ордобаевдин жаркын элесине арналган эл аралык мелдеш өтүүдө.
Дене тарбия жана спорт мамлекеттик агенттиктин басма сөз кызматынан билдиришкендей, катышуучулар төмөнкү 38, 41, 44, 48, 52, 57, 62, 68, 75, 85 кг салмак категорияларында күч сынашат.
Жеңүүчүлөргө "Тайманбас" Олимпиадалык резервдеги адистештирилген балдар өспүрүмдөр мектеби тарабынан тиешелүү даражадагы диплом жана медалдар тапшырылат.
