Бишкек, 30.07.26. /Кабар/. Баткен шаарындагы борбордук стадион ноябрь айында ишке берилет. Бул тууралуу Кыргыз футбол биримдигинен билдиришти.
Маалыматка ылайык, борбордук стадион 10 миң көрүүчүгө ылайыкталган. Анда футбол аренасынан тышкары үч машыгуу талаасы жана төрт кичи футбол аянтчасы жайгашат.
Ошондой эле ар бир машыгуу талаасынын жанында заманбап кийим алмаштыруучу бөлмөлөр болот.
Мындан тышкары, стадиондун аймагында кесипкөй футболчуларды жана жаш оюнчуларды кабыл алууга ылайыкталган 100 орундуу жатакана комплекси курулууда.
Аталган объектини ноябрь айында пайдаланууга берүү пландалууда.
