Бишкек, 16.11.26. /Кабар/. Жалал-Абад облусунда алгачкы жолу "Жылдын мыкты мугалими" кароо-сынагы өтүүдө.
Президенттин аймактагы өкүлчүлүгүнөн билдиришкендей, ага 10 предмет боюнча 101 мугалим катышууда.
Облус жетекчиси Тилек Текебаевдин демилгеси менен уюштурулган сынак 18-ноябрга чейин созулат.
Катышуучулар үч баскычта – тестирлөө, мастер-класс жана сабак өтүү боюнча күч сынашат. Баш байгеге Chevrolet Spark үлгүсүндөгү унаа коюлган. Ошондой эле дагы төрт жеңүүчү баалуу белектер менен сыйланат.