Бишкек, 24.09.26. /Кабар/. Бала-Саруу ГЭСинде сел жана суу ташкындарынын алдын алуу максатында жээкти бекемдөө иштери жүргүзүлүүдө.
"Чакан ГЭС" ААКтан билдиришкендей, учурда сол жээктин боорун бекемдөө, айрым тилкелерди бетондоого даярдоо жана суунун нугун буруу иштери аткарылууда.
Алдын ала маалымат боюнча, иштерди 15-октябрга чейин аяктоо пландалууда. Жүргүзүлүп жаткан иштер жээктердин жуулуп кетүү коркунучун азайтып, гидротехникалык курулмаларды суу агымдарынан коргоого багытталган.
