Бишкек, 27.05.25. /Кабар/. Бишкекте 26-майда жашы жете электердин коопсуздугун камсыз кылуу максатында коомдук жайларда түнкү рейддер өткөрүлдү.
Муниципалитеттен билдиришкендей, рейддин жүрүшүндө кафе, ресторандар, шаардын борбордук аянты, Ынтымак паркы ж.б. коомдук жайлар текшерилди.
Ошондой эле коомдук тамактануу жайларынын администрациялары менен жашы жете электерге карата мыйзамдарды сактоо маселелери боюнча, өзгөчө массалык иш-чараларды өткөрүү мезгилинде профилактикалык сүйлөшүүлөр жүргүзүлдү.
Түнкү рейддердин жыйынтыгында акт түзүлүп, мыйзамдуу өкүлдөрүнө берилген 36 өспүрүм аныкталып, тиешелүү профилактикалык иштер жүргүзүлдү.
