Бишкек, 05.10.26 /Кабар/. Бүгүн "Ырыс-Ордодо" Билим берүү кызматкерлеринин күнүнө арналган салтанаттуу иш-чарада “Жылдын мыкты мугалими — 2026” республикалык кароо-сынагынын жеңүүчүлөрү сыйланды. Бул тууралуу Агартуу министрлиги билдирет.
Сынактын баш байгесине Ысык-Көл облусунун Ысык-Көл районундагы Тамчы жалпы билим берүү мектебинин “Диндердин өнүгүү тарыхы” предметинин мугалими Меруэт Бакирова ээ болду. Министрлер кабинетинин төрагасы Адылбек Касымалиев ага Чолпон-Ата шаарынан бир бөлмөлүү батирдин ачкычын тапшырды.
Мындан тышкары, предметтик номинациялар боюнча жеңүүчү болгон 14 мугалимге президенттин фондунан 500 миң сомдон акчалай сыйлык берилди.
Сынактын жеңүүчүлөрү:
- Башталгыч класстардын мыкты мугалими — Ош облусунун Кара-Кулжа районундагы Бөжөк Бегиев атындагы жалпы билим берүү мектебинин мугалими Мийзамова Сүйүмкан;
- Кыргыз тили жана адабиятынын мыкты мугалими — Ысык-Көл облусунун Ак-Суу районундагы Ү. Калиев атындагы жалпы билим берүү мектебинин мугалими Алекова Бермет;
- Орус тили жана адабиятынын мыкты мугалими — Ысык-Көл облусунун Ак-Суу районундагы М. Мамакеев атындагы жалпы билим берүү мектебинин мугалими Кадырова Миргүл;
- Мыкты математика мугалими — Ысык-Көл облусунун Каракол шаарындагы Токтогул Сатылганов атындагы зээндүү балдардын жатак-мектебинин мугалими Орузбаева Нурия;
- Мыкты тарых мугалими — Чүй облусунун Сокулук районундагы Алымкул Жакшылыков атындагы жалпы билим берүү мектебинин мугалими Абдрахманова Зарина;
- Адам жана коом предмети боюнча мыкты мугалим — Ысык-Көл облусунун Жети-Өгүз районундагы М. Тынаев атындагы жалпы билим берүү мектебинин мугалими Борончу кызы Гүлзат;
- Мыкты чет тили мугалими — Ош шаарындагы №27 жалпы билим берүү мектебинин мугалими Гафарова Айжан;
- Мыкты физика жана астрономия мугалими — Чүй облусунун Москва районундагы №3 Беловодск жалпы билим берүү мектебинин мугалими Жаманкулов Азамат;
- Мыкты информатика мугалими — Нарын облусунун Жумгал районунун Чаек айылындагы Отунчу Ногойбаев атындагы жалпы билим берүү мектебинин мугалими Турарова Калбүкан;
- Мыкты география мугалими — Нарын шаарындагы №4 Эсенгул Ибраев атындагы жалпы билим берүү мектебинин мугалими Мамбетказиева Элвира;
- Диндердин өнүгүү тарыхы предмети боюнча мыкты мугалим — Нарын облусунун Кочкор районундагы Нинакан Жүндүбаева атындагы жалпы билим берүү мектебинин мугалими Эшимбек кызы Айсулуу;
- Мыкты музыка мугалими — Жалал-Абад облусунун Чаткал районундагы Ю. Гагарин атындагы жалпы билим берүү мектебинин мугалими Сандыбаев Абдурасул;
- Көркөм сүрөт искусствосу боюнча мыкты мугалим — Чүй облусунун Кемин районундагы Белек Солтоноев атындагы Тегирменти жалпы билим берүү мектебинин мугалими Көчөрбаева Алтынай;
- Аскерге чейинки даярдык боюнча мыкты мугалим — Ош шаарындагы №35 Ж. Атабаев атындагы жалпы билим берүү мектебинин мугалими Кебеков Ашимжан.
