Бишкек, 09.09.26. /Кабар/. Сузак районуна караштуу Ширин айылындагы 150 орундуу жаңы мектептин курулушу аяктады.
Объекттин курулушу республикалык бюджеттен каржыланып, жалпы наркы 78 млн сомду түзгөнүн Курулуш министрлигинен билдиришти.
Маалым болгондой, эки кабаттуу мектептин имаратынын жалпы аянты 1 миң 480 чарчы метрди түзөт. Анда окуучулардын сапаттуу билим алуусу үчүн бардык зарыл шарттар каралган.
Мектепте окуу класстарынан тышкары лаборатория, компьютердик класс, ашкана, китепкана, жыйындар залы жана спорт залы бар.
