Бишкек, 07.03.25. /Кабар/. Өзгөчө кырдаалдар министрлиги аба ырайына байланыштуу шашылыш билдирүү таратты.
Синоптиктердин маалыматына ылайык, жакынкы үч саат аралыгында жана кечинде Бишкек шаары менен Чүй өрөөнүндө катуу шамал күтүлөт.
Батыштан соккон шамалдын ылдамдыгы секундасына 15-20 метрге жетет.
ӨКМ тургундарга жана айдоочуларга коопсуздуктун алдын алып, сак болууну эскертет.
