Бишкек, 03.04.25. /Кабар/. Ош шаарынын Төлөйкөн айылындагы жолдор талапка ылайык иреттелет. Бул тууралуу мэриянын басма сөз кызматынан билдиришти.
Мэр Жеңишбек Токторбаев адаттагыдай тиешелүү кызматтардын жетекчилери менен биргеликте таңкы рейдди Төлөйкөн айылында улантты.
Шаар башчысы жарандардын кайрылууларына ылайык, айылдагы көчөлөргө түнкү жарыктандырууну орнотуу, коомдук транспорттун жүрүү убактысын узартуу жана кошумча аялдамаларды куруп берүү, Н.Сайдиев көчөсүндө жөө адамдар өтүүчү өтмөктү (зебра) чийүү, жаштар үчүн футбол аянтчасы менен спорт залын оңдоп-түзөөгө көмөк көрсөтүү боюнча тапшырмаларды берди.
Ошондой эле тротуарларды мыйзамсыз курулуштардан бошотууга өзгөчө көңүл бурууну тапшырды.
