Бишкек, 29.01.25. /Кабар/. Ош облусунда мыйзамсыз аңчылык кылгандарга карата ыкчам рейд жүрдү. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Маалыматка ылайык, рейдди Экологиялык жана техникалык көзөмөл кызматынын Ош регионалдык башкармалыгынын инспекторлору Германиянын жаратылышты коргоо союзунун (NABU) "Барс 2" тобунун кызматкерлери менен биргеликте жүргүздү.
Рейд Кара-Суу районунун Тар-Жылга, Шут жана Кашка-Суу участкаларында ыкчам рейд өткөрүлүп, анын жүрүшүндө аң-уулоо эрежелерин бузган жана тийиштүү уруксат кагаздары жок 3 жаран аныкталды.
Аталган жарандарга КР Укук бузуулар жөнүндө кодексинин ылайык, 37 500 сом административдик айып салынды. Ошондой эле мыйзам бузууну алдын алуу жана аң-уулоо эрежелерин сактоо боюнча түшүндүрүү иштери жүргүзүлдү.
Экологиялык жана техникалык көзөмөл кызматы тарабынан жүргүзүлгөн мындай рейддер өлкөнүн жаратылыш ресурстарын жана экологиясын коргоо максатында үзгүлтүксүз жүргүзүлүп, мыйзамсыз аң-уулоону жана жаратылышты бузуу аракеттерин алдын алуу үчүн күчөтүлө берет.
Жаратылышты коргоо жана мыйзамдуулукту сактоо боюнча маалымат алуу үчүн жарандарды Экологиялык жана техникалык көзөмөл кызматына кайрылууга чакырабыз.
