Бишкек, 13.05.26. /Кабар/. Бүгүн, 13-майда Ош мэри Жанарбек Акаевдин эл менен жолугушуусу Курманжан датка аймагында уланды. Бул тууралуу мэриядан билдиришти.
Маалыматка ылайык, жолугушууда шаар башчысы тиешелүү кызматтардын жетекчилери менен биргеликте аймактык башкармалыктын жашоочуларынын көйгөйүн укту.
Жыйында аталган аймактагы көп кабаттуу үйлөрдүн абалы эскиргенин, жаңылоону карап берүү боюнча суроолор басымдуу болду.
Мындан тышкары, жарандар эки жыл мурун президент кол койгон “Тынчтык мыйзамына” ылайык, А. Шакиров көчөсүндөгү кафе-ресторандар, унаа жуучу жайларга түшүндүрүү иштерин жүргүзүүнү, жашоочулардын тынчын албоосун да талап кылышты.
Ошондой эле буздурулган имараттарга жарандар кенемте төлөп берүүнү суранышты.
Жанарбек Акаев ар бир суроого жооп берип, айрым маселелерди жеринен чечсе, калгандарын карап чыгуу үчүн тиешелүү кызматтарга тапшырды.
