Бишкек, 03.04.25. /Кабар/. Ат-Башы - Кында - Торугарт унаа жолундагы Кында ашуусу ачылып, бир тараптуу каттам берилди.
Транспорт жана коммуникациялар министрлигинен билдиришкендей, учурда № 20 Жол тейлөө ишканасы тарабынан жолдун 33-100-чакырымдар аралыгында кар көчкү жана кар күрткүнү тазалоо, жолду кеңейтүү иштери жүрүүдө. Ал үчүн жеринде 1 жүктөгүч жана 1 бульдозер иштеп жатат.
Белгилей кетсек, аба ырайынын катаал шарттарына байланыштуу Ат-Башы - Кында - Торугарт жолундагы Кында ашуусу жыл сайын ноябрь айынан апрелге чейин жабык болот.
