Бишкек, 12.02.25. /Кабар/. Төрт күндө терезелерин мыйзамсыз караңгылаткан айдоочуларга 3 млн 540 миң сом айып салынды. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Маалыматка караганда, башкармалыктын Техникалык көзөмөлдөө бөлүмү 3-февралдан 7-февралга чейин өлкө аймагында “Караңгылаткан айнек” аталышында рейддик иш-чара өткөрдү.
Анын жүрүшүндө терезелерин мыйзамсыз караңгылаткан 177 айдоочу аныкталып, жалпы 3 млн 540 миң сом айып салынды.
Анын ичинен:
- Бишкек шаарынан - 98 айдоочу;
- Ош шаарынан - 28 айдоочу;
- Ош облусунан - 6 айдоочу;
- Чүй облусунан - 6 айдоочу;
- Жалал-Абад облусунан - 14 айдоочу;
- Баткен облусунан - 6 айдоочу;
- Ысык-Көл облусунан - 12 айдоочу;
- Нарын жана Талас облустарында - 7ден айдоочу.
