Бишкек, 10.02.25. /Кабар/. Билим берүү жана илим министринин орун басары Расул Абазбек уулу жогорку окуу жайлардын өкүлдөрү менен жыйын өткөрдү.
Ведомстводон кабарлашкандай, жыйындын жүрүшүндө министрдин 2024-жылдын 2-июлундагы буйругу менен бекитилген Чет тилин билүү деңгээлин жогорулатуу концепциясын ишке ашыруу боюнча иш-чаралар планын ишке ашыруу боюнча талкуу болду.
Ошондой эле ЖОЖдордун окутуучуларынын англис тилин билүү деңгээлин жогорулатуу боюнча иш-чараларды ишке ашыруу жана анын жыйынтыгын көзөмөлдөө боюнча маселелер жана сунуштар талкууланды.
Белгилей кетсек, иш-чарага борбордук жана аймактык жогорку окуу жайлардын өкүлдөрү катышты.
