Бишкек, 22.11.25. /Кабар/. Эр-Рияд шаарында өткөн VI ислам шериктештиги оюндарында Кыргызстандын курама командасы мелдештерге татыктуу катышып, жалпы жонунан 19 медаль жеңди. Бул тууралуу Дене тарбия жана спорт мамлекеттик агенттигинен билдиришти.
Маалыматта айтылгандай, командалык эсеп боюнча Кыргызстандын курама командасы 14-орунду ээлеген.
“Эр-Рияд шаарында VI ислам шериктештиги оюндарынын салтанаттуу жабылуу аземи болуп өттү. Аталган көп түрдүү спорттук иш-чара ислам дүйнөсүнүн 57 өлкөсүнөн келген спортчуларды бириктирди. Биздин спортчулардын көрсөткүчү жогорку даярдык деңгээлин жана эл аралык аренадагы атаандаштыкка жөндөмдүүлүгүн дагы бир жолу далилдеди”, - деп айтылат маалыматта.
Белгилей кетсек, кыргызстандык спортчулар бир катар спорт түрлөрүндө медалдарга ээ болуп, өлкөнүн спортту өнүктүрүүгө жана эл аралык спорттук кызматташтыкты чыңдоого болгон умтулуусун тастыкташты.
