Бишкек, 24.11.25. /Кабар/. Кыргызстанда Индия кино күндөрү өтүүдө. Бул тууралуу Маданият, маалымат жана жаштар саясаты министрлигинен билдиришти.
Маалыматка ылайык, Индия киносунун күндөрүндө тасмалар 22–ноябрдан бери “Ала-Тоо” кинотеатрында көрсөтүлүүдө.
Программа боюнча бүгүн, 24-ноябрда саат 14:00дө “Жашоо кызыксыз болушу мүмкүн эмес” (Жизнь не можетбыть скучной) тасмасы (орусча субтитрлер менен, башкы ролдо Ритик Рошан) тартууланат.
Индиялык фильмдер “Ала-Тоо” кинотеатрында акысыз көрсөтүлүп жатат.
Кино күндөрү 21-ноябрда Т. Абдумомунов атындагы Кыргыз улуттук академиялык драма театрында өткөн. Иш-чарага Кинематография департаментинин директору Талант Төлөбеков, ошондой эле Индиянын Кыргызстандагы элчиси Берендер Сингх Ядав катышкан.
