Бишкек, 25.09.26. /Кабар/. 21-23-сентябрда Алматы шаарында Кыргызстан, Казакстан жана Өзбекстандын" Камбар-Ата-1 ГЭСин" куруу долбоорун биргелешип ишке ашыруу боюнча өкмөттөр аралык макулдашууга арналган сүйлөшүүлөрдүн үчүнчү раунду өттү.
Энергетика министрлигинен билдиришкендей, сүйлөшүүлөрдө долбоорду биргелешип ишке ашыруу жана башкаруу механизмдери, каржылоо ыкмалары жана үч өлкөнүн мындан аркы координациясы талкууланды. Жолугушууга Дүйнөлүк банктын өкүлдөрү байкоочу катары катышты.
Камбар-Ата-1 ГЭСинин белгиленген кубаттуулугу 1 860 МВт болуп, станция жылына болжол менен 6 млрд кВт/саат электр энергиясын өндүрө алат.
