Бишкек, 02.03.26 /Кабар/. Катардын жээгиндеги кемеде учурда Кыргызстандын 67 жараны бар. Алар 7-мартка чейин ошол жакта жайгашып турат. Бул тууралуу Кыргызстандын Катардагы убактылуу ишенимдүү өкүлү Шумкарбек Курсанов билдирди.
Ал белгилегендей, кырдаал курчуп кете турган болсо, координациялык штабдын көрсөтмөсү боюнча иштер жүргүзүлөт.
Мындан тышкары, Курсановдун пикиринде, Катарда Кыргызстандын 800 жараны жашап жана иштеп жатат. Алардын 20сы мейманканаларда, калгандары үйлөрүндө.
