Бишкек, 30.09.26. /Кабар/. Япониянын Эл аралык кызматташтык агенттигинин (JICA) делегациясы Бишкектеги "Үмүт үйүнүн" ишмердүүлүгү менен таанышты. Бул тууралуу Бишкек мэриясынан билдиришти.
Делегация мекемеге барып, улгайган жана майыптыгы бар жарандарга көрсөтүлүп жаткан социалдык жана медициналык кызматтар менен таанышты.
Жолугушууда кам көрүүнү уюштуруу, мекеменин кадрдык камсыздалышы, учурдагы көйгөйлөр жана улгайган жарандарга социалдык кызмат көрсөтүүнү өнүктүрүүнүн келечеги талкууланды.
JICA өкүлдөрү сапардын жыйынтыгында алынган маалыматтарды талдап, улгайган адамдарга социалдык кызмат көрсөтүү тармагында мындан аркы кызматташтыктын мүмкүн болгон багыттарын карай турганын билдиришти.
