Бишкек, 30.01.25. /Кабар/. Министрлер кабинетинин төрагасынын биринчи орун басары Данияр Амангелдиев Түрк мамлекеттер уюмунун (ТМУ) башкы катчысы Кубанычбек Өмүралиев менен жолукту.
Жолугушуунун жүрүшүндө тараптар уюмдун ишмердүүлүгүнүн алкагында соода-экономикалык жана инвестициялык кызматташуу маселелерин талкуулашты жана Мамлекет башчылары тарабынан буга чейин коюлган тапшырмаларды ишке ашыруу үчүн бардык зарыл болгон күч-аракеттерди жумшоону макулдашышты.
Тараптар ошондой эле 2025-жылга карата аймактагы экономикалык өсүш үчүн жаңы мүмкүнчүлүктөрдү түзүүгө жана калктын жашоо деңгээлин жогорулатууга багытталган пландарды талкуулашты.
