Бишкек, 08.09.26. /Кабар/. Баткен облусунда "Солидарность-2026-Кыргызстан" биргелешкен чек ара операциясынын негизги этабынын алкагында күч түзүмдөрүнүн жана өз ара аракеттенүү органдарынын катышуусунда бөлүштүрүү иш-чарасы өткөрүлдү.
Аймактагы өкүлчүлүктөн билдиришкендей, иш-чара Баткен облусунун мамлекеттик администрациясынын алдында уюштурулуп, ага облустагы тиешелүү күч түзүмдөрүнүн жана өз ара аракеттенүүчү органдардын бөлүкчөлөрү тартылды.
Бөлүштүрүүнүн жүрүшүндө чек ара операциясы учурунда колдонулуучу атайын автоунаалар, учкучсуз учуучу аппараттар, кызматтык жаныбарлар жана мамлекеттик чек араны кайтарууда пайдаланылуучу башка техникалык каражаттар көрсөтүлдү.
Иш-чаранын жүрүшүндө президенттин Баткен облусундагы ыйгарым укуктуу өкүлүнүн биринчи орун басары Бактыбек Токсонбаев жана Мамлекеттик чек ара кызматынын Баткен облусу боюнча башкармалыгынын башчысы Каныбек Рыскулов тарабынан биргелешкен чек ара операциясын сапаттуу жана уюшкандыкта өткөрүү боюнча кошумча тапшырмалар коюлду.
Бөлүштүрүү учурунда коопсуздук эрежелери так сакталып, иш-чарага тартылган бөлүкчөлөр белгиленген кызмат өтөө аймактарына жөнөтүлдү.
"Солидарность-2026-Кыргызстан" биргелешкен чек ара операциясы мамлекеттик чек аранын коопсуздугун камсыз кылуу, күч түзүмдөрүнүн өз ара аракеттенүүсүн күчөтүү жана чек ара аймактарындагы кырдаалга ыкчам чара көрүү максатында өткөрүлүүдө",-деп айтылат маалыматта.
