Бишкек, 05.02.25. /Кабар/. Былтыр Ак-Талаа районуна келген туристтердин саны өскөн.
Туризмди өнүктүрүүнү колдоо фондунан билдиришкендей, 2024-жылы Нарын облусунун Ак-Талаа районуна 3 миң 829 чет өлкөлүк туристтер келген.
Маалыматка ылайык, 2024-жылы 6 миң 905 ички туристтер келип, алардан 2 млн 792 миң сом киреше түшсө, ал эми тышкы өлкөлөрдөн 3 миң 829 турист келген. Алардан 5 млн 241 миң сом киреше түшкөн. Жалпы 2024-жылы келген туристтерден 8 млн сомдон ашык акча каражаты түшкөн.
Белгилей кетсек, 2024-жылы келген туристтердин саны 2023-жылга салыштырмалуу 2 миң 842 туристке кѳп.
