Бишкек, 06.11.26. /Кабар/. Бишкектин эки кичи районунда 10-ноябрда суу болбойт. Бул тууралуу Бишкек мэриясы билдирет.
Маалыматка ылайык, 10-ноябрда саат 10:00дөн 19:00гө чейин 10-кичи районундагы № 16-25, 9, 10, 11, 17/1, 9-кичи районундагы № 10,12,12/1, 13, 14, 15, 46, 40/1 үйлөрдө суу болбойт.
Суу берүү “Бишкекжылуулукэнерго” МИ тарабынан диаметри 100 мм болгон бурама тээктеги (задвижка) тыгынды жоюу иштеринин жүргүзүлүшүнө байланыштуу токтотулат.
Бишкек мэриясы келтирилген ыңгайсыздыктар үчүн кечирим сурайт жана жашоочуларды, уюмдарды ичүүчү сууну алдын ала камдап коюуну суранат.
