Бишкек, 17.02.25. /Кабар/. Бишкектин четиндеги «Бишкек Арена» стадионунун курулушун 2026-жылдын күз айларында бүтүрүү пландалууда жана ал 51 миң орундуу болот. Бул тууралуу президенттин Иш башкармалыгынан билдиришти.
Маалыматка ылайык, курулуш иштерине Түркиядан, Кыргызстандан жана Улуу Британиядан бир нече инженерлер жана архитекторлор тартылган.
Учурда курулуш иштери графикке ылайык жүрүп жатат.
Долбоорго ылайык, футбол стадионунун жалпы аянты 180 миң чарчы метрден ашык, анын ичинде автопарк, техникалык каражаттар, соода жана оюн-зоок борбору жана башка объектилер болот.
Эске салсак, буга чейин стадиондун архитектуралык стили жана түс схемасы Бишкектин жана кыргыз элинин мүнөзүнө жана маданиятына туура келери, стадион борбор калаанын символдорунун бирине айланаары, ал эми футбол аянтчасы ФИФАнын стандарттарына жооп берери мурда маалымдалган.
