Бишкек, 06.02.25. /Кабар/. Бишкекте жаңы курулган көп кабаттуу үйлөр текшерилүүдө.
Өзгөчө кырдаалдар министрлигинен билдиришкендей, бүгүн, 6-февралда “Дөөлөт курулуш” компаниясы салып жаткан көп кабаттуу жаңы үйлөрдүн өрт коопсуздугу, тийиштүү эрежелердин сакталышы текшерүүгө алынды.
Биринчи Май району боюнча өзгөчө кырдаалдар бөлүмү Өрттү көзөмөлдөө кызматы менен биргеликте жүргүзүлгөн пландык кароонун негизинде айрым эреже бузуулар боюнча эскертүүлөр берилип, курулуш компаниянын жетекчилигине өрт коопсуздугу боюнча нускамалар жана түшүндүрүү иштери жүргүзүлдү.
