Бишкек, 06.10.26 /Кабар/. Баткен шаарындагы Чет-Булак аймактык башкармалыгында соолуп калган дарыянын нугу аркылуу өтүүчү жаңы көпүрөнүн курулушу жүрүп жатат. Бул тууралуу муниципалитет билдирди.
Маалыматка ылайык, курулуп жаткан көпүрөнүн узундугу 18 метр, туурасы 12 метрди түзөт. Ошондой эле жарандардын коопсуздугу үчүн объекттин эки тарабына жөө жүргүнчүлөр үчүн тротуарлар каралган.
Баткен шаарынын мэри Сейтек Кулубаев курулуш иштеринин жүрүшү менен таанышып, объекттин сапаттуу курулушун камсыз кылуу жана ишти белгиленген мөөнөттө аяктоо зарылдыгын белгиледи.
Жергиликтүү бийлик өкүлдөрүнүн айтымында, жаңы көпүрө Чет-Булактын тургундары үчүн ыңгайлуу каттамды түзүп, аймактагы транспорттук байланышты кыйла жакшыртат.
