Бишкек, 07.09.26. /Кабар/. Индонезиянын Бали аралындагы эл аралык аэропорт вулкандык активдүүлүктүн күчөшүнө байланыштуу ондон ашык авиакаттамды токтотту. Бул тууралуу БелТА агенттиги жазды.
Анак-Кракатау вулканынын тынымсыз атылышы 4-сентябрдын кечинен бери уланууда. Атылуу күркүрөө, силкинүү жана лавалардын атылышы менен коштолуп, жанар тоонун күлү деңиз деңгээлинен болжол менен 14,6 чакырым бийиктикке көтөрүлгөн.
Аэропорттун администрациясы Бали аралындагы Нгурах-Рай эл аралык аэропорту штаттык режимде иштеп жатканын билдирди. Каттамдардын абалын авиакомпаниялардан алдын ала тактап алуу сунушталды.
Анак-Кракатау Ява жана Суматра аралдарынын ортосундагы Зонд кысыгында жайгашкан.
