Бишкек, 23.05.25. /Кабар/. Бүгүн, 23-майда Бишкек шаарынын мэриясынын Билим берүү башкармалыгы №69 мектепте борбор калаадагы мектептердин директорлору менен жыйын өткөрдү.
Муниципалитеттен билдиришкендей, жыйында Бишкек шаарынын улук прокурору Гүлзат Алымкулова "Акыркы коңгуроо" салтанатында окуучулардын коопсуздугун камсыздоо зарылдыгына токтолду.
Ошондой эле, 2024-2025-окуу жылына карата Бишкек шаарынын жалпы билим берүү уюмдарына контролдук-усулдук иш-чаралар тууралуу маалымат берилди.
Мындан сырткары «2025-жылдын мыкты мугалими» сынагынын жыйынтыгы жана окуу жылын жыйынтыктоого байланыштуу башка орчундуу маселелер каралды.
Белгилей кетсек, Кыргызстанда вкыркы коңгуроо 26-майда кагылат. Бул күнү райондордо күчөтүлгөн режимде рейддер өткөрүлөт.
