Бишкек, 24.06.25. /Кабар/. Быйыл жалпы республикалык тестирлөөнүн жыйынтыгы боюнча бүтүрүүчүлөрдүн 67,3 пайызы босого баллдан өттү. Бул тууралуу Билимди баалоо жана окутуу усулдары борборунун директору Чынара Батракеева “Кабар” маалымат агенттигине берген маегинде билдирди.
Ал үстүбүздөгү жылы 54 бүтүрүүчү “Алтын сертификат” ала турганын жана 2009-жылдан бери ЖРТнын тарыхында 242 балл рекорддук көрсөткүч болгонун белгиледи. Ал мындан тышкары билим берүүнүн сапаты жана ЖРТнын жыйынтыгына байланыштуу суроолорго жооп берди.
