Бишкек, 25.03.25. /Кабар/. Ош облусунун Өзгөн районуна караштуу Тоолос айылында республикалык бюджеттин эсебинен каржыланган жаңы бала бакчанын курулушу аяктады.
Курулуш министрлигинен билдиришкендей, жаңы бала бакча 50 орунга ылайыкталган заманбап шартта эки кабаттан турат. Долбоорго ылайык, окуу, оюн ойноочу жана уктоо бөлмөлөрү, ашкана, гимнастика жана музыкалык залы каралган.
Мындан тышкары, балдардын ден соолугуна көзөмөл жүргүзүү үчүн медициналык кабинет да бар.
Ал эми, долбоордун тендердик баасы 26 млн сомдон ашык.
"Бул долбоорду ишке ашыруу мектепке чейнки билим берүүнүн жеткиликтүүлүгүн жогорулатып, балдардин ар тараптуу өнүгүүсү үчүн ыңгайлуу шарттарды түзүүгө жардам берет. Ошондой эле бул жаңы мекеме райондогу бала бакчалардын жүгүн азайтууга чоң салымын кошот",-деп айтылат маалыматта.
