Бишкек, 04.08.26. /Кабар/. Каракол шаарында эс алуучулардын коопсуздугун камсыз кылуу максатында суудагы коопсуздук эрежелери боюнча түшүндүрүү иштери жүргүзүлүүдө. Бул тууралуу ӨКМдин облустук башкармалыгынан билдиришти.
Каракол шаардык мэриясы жана Өзгөчө кырдаалдар бөлүмүнүн кызматкерлери Пристань-Пржевальск аймагындагы муниципалдык пляжда жарандарга сууда жүрүм-турум эрежелерин түшүндүрүп, коопсуздук чараларын сактоого чакырууда.
Көл жээгинде эскертүүчү баннерлер орнотулуп, үн күчөткүч аркылуу маалыматтар берилип жатат. Ошондой эле эс алуучуларга суу коопсуздугу боюнча маалымат камтылган буклеттер таратылууда.
Адистер жарандарды сууга түшүүдө этият болууга жана коопсуздук эрежелерин сактоого чакырууда.
