Бишкек, 24.03.25. /Кабар/. Күн мурун транспорт жана коммуникациялар министри Абсаттар Сыргабаев Ысык-Көл облусуна жумушчу сапар менен барды. Бул тууралуу ведомстводон маалымдашты.
Министр алгач Балыкчы шаарындагы асфальт-бетон чыгарган заводдун ишмердүүлүгү менен жеринен таанышып, подрядчы компаниялардын өкүлдөрү менен жолукту.
Ошондой эле ал Чолпон-Ата шаарынын ичиндеги көчөнү оңдоо иштерин текшерип, жайкы сезонго чейин асфальт төшөө иштерин аягына чыгарууну тапшырды.
Андан ары Сыргабаев Ысык-Көл айланма жолунун Корумду — Балбай баатыр участогун 104-чакырымынан 184,5-чакырымына чейин реконструкциялоо иштеринен кабар алып, курулуш иштерин бекитилген графиктен кечиктирбей өз убагында жана сапаттуу аткаруу тапшырмасын койду.
Мындан тышкары, министр "Балыкчы-Бөкөнбаев-Каракол автожолун реконструкциялоо" долбоорунун алкагында аткарылып жаткан иштер менен таанышты.
Министр тиешелүү жетекчилерге планга ылайык жумуштарды иш ыргагын ыкчамдатуу менен жүзөгө ашыруу талабын койду.
