Бишкек, 25.01.25. /Кабар/. Бүгүн, 25-январда Токтогул районунун Токтогул шаарында сүттү кайра иштетүү зоводунун расмий ачылыш аземи өттү.
Райондук администрациядан билдиришкендей, ачылыш аземге Токтогул райондук мамлекеттик администрациясынын башчысынын биринчи орун басары Н.Кожобергенов, USAID "Агросоода" долбоорунун жетекчиси Ая Касси жана мамлекеттик жана муниципалдык органдардын өкүлдөрү, жеке ишкерлер катышты.
Белгилей кетсек, “Ля Вуа Лакте" сүттү кайра иштетүү заводун жеке ишкер Калыйнур Сатаров негиздеген.
“Сүт заводу заманбап жабдуулар менен камсыз болгон. Бүгүнкү күндө сүт заводдо каймак, май, сүт, йогурт, сыр, быштак жана бал муздак продукциялары өндүрүлүп, Токтогул районун жана Кара-Көл шаарынын жашоочуларын аталган азыктар менен камсыздайт”,-деп айтылат маалыматта.
