Бишкек, 08.06.26. /Кабар/. Кыргызстандын театр ишмерлери Өзбекстандын бир катар шаарларында чыгармачылык сапар менен болушту. Бул тууралуу Маданият, маалымат жана жаштар саясаты министрлигинен билдиришти.
Маалыматка ылайык, анда “Куса” моно спектакли Өзбекстандын Андижан, Ташкент жана Бухара шаарларында көрүүчүлөргө тартууланды.
Спектакль 2-июнда Андижан шаарында, 3-июнда Ташкенттеги Өзбекстандын жаш көрүүчүлөр театрынын сахнасында көрсөтүлдү. Иш-чарага Өзбекстандын маданият өкүлдөрү жана Кыргызстандын Өзбекстандагы элчилигинин кызматкерлери катышты.
Ташкенттеги көрсөтүүдөн кийин Өзбекстандын жаш көрүүчүлөр театрынын жамаатына актердук чеберчилик боюнча мастер-класс өткөрүлүп, эки өлкөнүн театр адистеринин ортосунда тажрыйба алмашуу болду.
Ошондой эле драматург Гүласал Алиеванын “Кыл көпүрө” драмасынын өзбек тилиндеги премьерасы өттү. Спектаклдин бет ачарына Кыргызстандын маданият өкүлдөрү, элчиликтин кызматкерлери күбө болушту.
Белгилей кетсек, “Кыл көпүрө” драмасы буга чейин Кыргызстанда жаш режиссёр Жаңылай Исакова тарабынан сахналаштырылып, Түркияда өткөн эл аралык Малтепе фестивалында ийгиликтүү көрсөтүлүп, бир катар сыйлыктарга ээ болгон
