Бишкек, 11.09.26. /Кабар/. Таш-Көмүр – Кербен – Ала-Бука жолунда сел алып кеткен көпүрөнү калыбына келтирүү иштери башталды Бул тууралуу Кыргызавтожол-Түштүк мамлекеттик ишканасынан билдиришти.
Маалыматка ылайык, ушул жылдын 22-майында катуу жааган нөшөрлүү жамгырдан улам аталган унаа жолдун 14-чакырымындагы Балапан-Сай сайында жайгашкан 30 метрлик көпүрөнү сел алып кеткен.
Учурда көпүрөнү кайра калыбына келтирүү боюнча долбоор даярдалып, курулуш иштери башталды. Эми көпүрөнүн узундугу 36 метрге чейин узартылат.
Курулуш иштерин Кыргызавтожол-Түштүк мамлекеттик ишканасынын алдындагы Көпүрө куруу мекемеси жүргүзүүдө.
