Бишкек, 23.07.26. /Кабар/. Талас облусунда ишкерлердин жана инвесторлордун укуктарын коргоо боюнча консультативдик кеңештин жыйыны өттү. Бул тууралуу Башкы прокуратурадан билдиришти.
Облустук прокуратура тарабынан уюштурулган иш-чарада ишкерлерди коргоо багытындагы мыйзамдардын жана президенттин тиешелүү жарлыктарынын аткарылышы талкууланды.
Жыйынга мамлекеттик органдардын өкүлдөрү, салык, экологиялык жана техникалык көзөмөл, архитектура-курулуш, санитардык-эпидемиологиялык көзөмөл кызматтарынын өкүлдөрү жана жеке ишкерлер катышты.
Катышуучулар аймакта ишкердикти өнүктүрүү, инвестициялык климатты жакшыртуу жана бизнес чөйрөсүндөгү мыйзамдуулукту камсыздоо маселелерин талкуулашты. Ошондой эле ишкерлердин укуктарын коргоо багытында көрүлүп жаткан чаралар боюнча маалымат берилди.
