Бишкек, 31.07.26. /Кабар/. Талас облусунда “Бала ырысы” жөлөк пулун алууга 9076 жаран арыз берди. Бул тууралуу Эмгек, социалдык камсыздоо жана миграция министрлигинен билдиришти.
Маалыматка ылайык, Талас шаарында министр Канат Сагынбаев социалдык камсыздоо боюнча аймактык башкармалыкка барып, мамлекеттик “Бала ырысы” программасынын ишке ашырылышынын алкагында башкармалыктын кызматкерлери жана жаңы ай сайын төлөнүүчү жөлөк пулду алып жаткан үй-бүлөлөр менен баарлашты.
“Бала ырысы” программасы – балалуу үй-бүлөлөрдү мамлекеттик колдоонун маанилүү чарасы. Биздин милдет – жөлөк пул алууга укуктуу ар бир үй-бүлө аны өз убагында, ашыкча бюрократиялык тоскоолдуктарсыз жана толук көлөмдө алышын камсыз кылуу”, – деди министр.
